Tuesday, August 14, 2012

ദുസ്വപ്നം

വലതു ഭാഗത്ത് കണ്ട ആയുധങ്ങളില്‍ ഞാന്‍ ആധി കൊണ്ട കാരണത്താല്‍ ആ മിത്രങ്ങള്‍ക്ക് ഞാന്‍ ശത്രുവായി.

 ഇടതു ഭാഗത്ത് കണ്ട ആയുധങ്ങളില്‍ ഞാന്‍ ആധി കൊണ്ട കാരണത്താല്‍ ആ മിത്രങ്ങള്‍ക്കും ഞാന്‍ ശത്രുവായി.

വെളിച്ചം കെട്ട നേരത്ത് ഞാന്‍ നടന്നു വരുമ്പോള്‍ ഇരുഭാഗത്തും അവര്‍ ആയുധം മൂര്‍ച്ച കൂട്ടി എന്നെ കാത്തിരുന്നു.

പാതിരാവില്‍ ഒരു ദുസ്വപ്നത്തില്‍ എന്റെ കുഞ്ഞു മകന്‍ പിടഞ്ഞുണര്‍ന്നത് വീട് നിറഞ്ഞൊരു നിലവിളിയിലേക്കായിരുന്നു.

ആത്മ ലയനം

ഒറ്റയാത്മാവ്, നീയും ഞാനും
ഇരവിലും പകലിലും നീയെന്നിലുണ്ട്, ഞാന്‍ നിന്നിലും.
നീയുമായെനിക്കുള്ള ബന്ധനത്തിന്‍ ആന്തരാര്‍ത്ഥം
നീയും ഞാനുമെന്നൊരഹന്തയില്‍നിന്നുരിഞ്ഞലിഞ്ഞ് 
നമ്മളൊന്നു മാത്രമെന്നൊരു ബിന്ദുവില്‍ ലയിച്ചിടുന്നു.